દ્વારકા નેશનલ હાઇવેના ડિવાઇડરમાં જગ્યાના અભાવે સ્થાનિકો લાખ ચોર્યાસીનો ફેરો ફરવા મજબુર
- આજુ બાજુના ૬ ગામના સરપંચોએ હાઈવે ડિવાઈડર માં ક્ટ મૂકવાની માંગ સાથે કલેક્ટરને આવેદન પાઠવ્યું
- ક્ટના અભાવે સ્થાનિક લોકોને ભારે હાલાકી : પાંચ કિલોમીટર જેટલું અંતર કાપવું પડે છે
દેશ દેવી ન્યૂઝ જામનગર તા. ૬ એપ્રિલ ૨૪ દ્વારકા નેશનલ હાઇવેના ડિવાઇડરમાં જગ્યાના અભાવે ૬ ગામના સ્થાનિકો લાખ ચોર્યાસીનો ફેરો ફરવા મજબુર બન્યા છે. ત્યારે તમામ ગામના સરપંચ દ્વારા હાઇવે પર ડિવાઇડરમાં ક્ટ મુકવા જિલ્લા કલેક્ટરને આવેદનપત્ર આપવામાં આવ્યું હતું
કજુરડા પાટીયા નેશનલ હાઈવેથી 8 થી 10 ગામોને જોડતો સ્ટેટ હાઈવે વચ્ચે વાહન અવરજવર માટે જગ્યા મુકવા કલેક્ટરને આવેદન પત્ર અપાયું હતું. જેમાં નાના આંબલાના સરપંચ સુગરાબેન ગજણ , ભરાણા સરપંચ હુશૈનભાઇ ચમડીયા, વાડીનાર સરપંચ વિજયસિંહ જાડેજા , કજૂરડાના રાજુબેન, ટિંબડીના મહાવીરભાઈ સોઢા, મોટા આંબલાના જુનસભાઈ તથા ગ્રામજનો હાજર રહ્યા હતા.
