જામનગરમાં સોની ફળી વિસ્તારમાં એક ફ્લેટમાંથી ઇંગ્લિશ દારૂ પકડાયો
- ૮૪ બોટલ સાથે મકાન માલિકની અટકાયત: દારૂ ના સપ્લાયર નું નામ ખુલ્યું
- જામનગરમાં હવાઈ ચોક વિસ્તારમાંથી સ્કૂટર પર દારૂ સાથે નીકળેલા એક વેપારીની અટકાયત
- સીટી -એ ના રૂષિરાજસિંહ જાડેજા, કરણસિંહ જાડેજા તથા રાકેશ ચૌહાણ ની બાતમી
દેશ દેવી ન્યૂઝ જામનગર તા ૧૫ માર્ચ ૨૪, જામનગર શહેરમાં પોલીસે દારૂ અંગ બે સ્થળે દરોડા પાડ્યા છે, અને બે શખ્સોની અટકાયત કરી છે, જ્યારે એક શખ્સને ફરારી જાહેર કરાયો છે.જામનગર શહેરમાં સૌપ્રથમ ઇંગ્લિશ દારૂ અંગેનો દરોડો જામનગરમાં સોની ફળી વિસ્તારમાં શિવધારા એપાર્ટમેન્ટના બ્લોક નંબર ૨૦૪ માં રહેતા વિશાલ ગુણવંતભાઈ ગોપીયાણી ના ફ્લેટ માં પાડ્યો હતો.
જ્યાંથી પોલીસે ચોર્યાસી નંગ ઇંગ્લિશ દારૂની બાટલી નો જથ્થો કબજે કરી લઇ ફ્લેટ ધારક વિશાલ ગોપીયાણી ની અટકાયત કરી છે.પોલીસ પૂછપરછ દરમિયાન તેને ઉપરોક્ત દારૂ નો જથ્થો જામનગરમાં ધુવાવ નાકા પાસે રહેતા અમિત અશોકભાઈ કોળીએ સપ્લાય કર્યો હોવાનું કબુલતાં પોલીસે તેને ફરારી જાહેર કરી શોધખોળ હાથ ધરી છે.
જામનગરમાં હવાઈ ચોક વિસ્તારમાંથી સ્કૂટર પર ઇંગલિશ દારૂ સાથે નીકળેલા પ્રણવ નીલકેશભાઈ અનડકટ નામના વેપારીને પોલીસે બે નંગ ઇંગ્લિશ દારૂની બાટલી સાથે ઝડપી લીધો છે, અને તેની પાસેથી સ્કૂટર-દારૂ અને મોબાઈલ ફોન વગેરે કબજે કર્યા છે.
