સાયલા થી ઇંગ્લિશ દારૂનો જથ્થો ભરીને હાપા વિસ્તારમાં મકાનમાં ઉતારનાર દારૂના ધંધાર્થીને એલસીબી ની ટીમે ઝડપી લીધો
- LCBના હરદીપ બારડ, મયુરસિંહ પરમાર તથા રૂષિરાજસિંહ વાળાની બાતમી
- ૫૦ નંગ ઇંગ્લિશ દારૂની બાટલી નો જથ્થો કબજે કરાયો: જ્યારે દારૂના સપ્લાયર ને ફરારી જાહેર કરાયો
દેશ દેવી ન્યુઝ જામનગર તા ૨૯ જાન્યુઆરી ૨૪ જામનગર નજીક હાપા ક્રિષ્ના ટાઉનશીપ માં સાયલા થી ઇંગ્લિશ દારૂનો જથ્થો આયાત કરીને ઉતારવામાં આવ્યો છે, તેવી ચોક્કસ બાતની ના આધારે એલસીબી ની ટુકડીએ દરોડો પાડ્યો હતો, અને પચાસ નંગ ઇંગ્લિશ દારૂની બાટલી ના જથ્થા સાથે એક શખ્સ ની અટકાયત કરી છે, જ્યારે દારૂનો જથ્થો સપ્લાય કરનાર જામનગરના અન્ય એક શખ્સને ફરારી જાહેર કરાયો છે.
જામનગરની લોકલ ક્રાઈમ બ્રાન્ચ ની ટીમને ચોક્કસ બાતમી મળી હતી, કે જામનગર નજીક હાપામાં ક્રિષ્ના ટાઉનશિપ-૨ માં રહેતા વિજયસિંહ ભીખુભા જાડેજા દ્વારા સાયલા થી ઇંગ્લિશ દારૂનો જથ્થો આયાત કરીને પોતાના ઘરમાં ઉતાર્યો છે, અને તેનું ખાનગીમાં વેચાણ કરી રહ્યો છે, જે બાતમી ના આધારે ગઈ રાત્રે દરોડો પાડ્યો હતો.જે દરોડા દરમિયાન રહેણાંક મકાનમાંથી ૫૦ નંગ ઈંગ્લીશ દારૂ ની બાટલી નો જથ્થો મળી આવ્યો હતો. આથી પોલીસે દારૂ અને મોબાઈલ ફોન સહિત રૂપિયા ૨૫,૦૦૦ ની માલમતા કબજે કરી છે, અને દારુના ધંધાર્થી વિજયસિંહ ભીખુભા જાડેજા ની અટકાયત કરી લીધી હતી.
પોલીસની પૂછપરછ દરમિયાન તેણે ઉપરોક્ત દારૂનો જથ્થો જામનગરના અજય સિંહ ઉર્ફે મટકુ નામના શખ્સ મારફતે સાયલા થી આયાત કર્યો હોવાનું કબૂલ્યું હતું, જેથી પોલીસે અજયસિંહ ને ફરારી જાહેર કરી તેની શોધ ખોળ હાથ ધરી છે.
