જામનગરમાં આગામી રવિવારે શહેર તથા ગ્રામ્ય વિસ્તારોના ગરબી મંડળોની તમામ બાળાઓ-બટુકો માટે સમૂહ મહાપ્રસાદનું આયોજન
દેશ દેવી ન્યુઝ જામનગર તા. ર૭ ઓક્ટોબર ૨૩, જામનગર ના શ્રી હર્ષિદા ગરબા મંડળ દ્વારા તા. ૧પ-૧૦-૧૯૭પ માં માત્ર અગિયાર કાર્યકરો સાથે મળી હર્ષિદા ગરબા મંડળની સ્થાપના કરવામાં આવી હતી. પહેલે વર્ષે માત્ર અગિયાર કુમારીકાઓને મહાપ્રસાદ જમાડી શુભ શરૃઆત થઈ હતી.કોઈપણ જાતના સ્વાર્થ વગર ચાલી આવતી હર્ષિદા ગરબા મંડળની મહાપ્રસાદની પરંપરા જાળવણી કરતા તા. ર૯-૧૦-ર૩ ને રવિવારના વિસા શ્રીમાળી સોની સમાજની વાડી, ખંભાળીયા નાકા બહાર, દ્વારકાપુરી રોડ પર મંડળ દ્વારા આશરે ૩૦,૦૦૦ બાળાઓને મહાપ્રસાદ જમાડવાનો મંડળ દ્વારા સંકલ્પ કરવામાં આવ્યો છે, તેમાં શહેરના બાળકો તેમજ ગરબી મંડળના સંચાલકો, સેવાભાવિ કાર્યકરો તથા ધર્મપ્રેમી જનતાને મહાપ્રસાદ જમાડવામાં આવશે.
આ કાર્યક્રમમાં સૌરાષ્ટ્ર ગુજરાતની અલગ-અલગ ધાર્મિક જગ્યાના સંતો-મહંતો ખાસ ઉપસ્થિત રહી, પોતાના હસ્તે મહાપ્રસાદ પીરસી આ કાર્યક્રમની શુભ શરૃઆત કરાવશે. આ કાર્યક્રમમાં બાળાઓને ભારતીય બેઠકમાં શિસ્તબદ્ધ કતારોમાં બેસાડી માતાજીનો મહાપ્રસાદ જમાડવામાં આવશે. તમામ બાળાઓને કોઈપણ જાતની તકલીફ ન પડે તેની ખાસ કાળજી તથા તકેદારી રાખવામાં આવશે તેમજ શહેરી વિસ્તારમાં અભ્યાસ કરતી આશરે પ૦ જેટલી શાળાઓ તેમજ મદ્રેસાની બાળાઓ મહાપ્રસાદ ગ્રહણ કરશે.
આગામી કાર્યક્રમના શુભદિવસે મંડળ દ્વારા વહેલી સવારે ૬ કલાકે કટારીયાવારા વાછરાદાદાની બાવનગજની ધજા સમારંભના શુભસ્થળે ફરકાવી કાર્યક્રમની શુભ શરૃઆત કરવામાં આવશે ત્યારબાદ સવારે ૯ કલાકે મંડળ દ્વારા મંગલાચરણ કરવામાં આવશે તેમજ સવારે ૧૦-૩૦ કલાકે સંતો-મહંતો સમારંભના શુભ સ્થળે પધારશે. જેમનું ભવ્ય સ્વાગત અને સામૈયા કરવામાં આવશે. સવારે ૧૧ કલાકે આરતી આશ્રમ જુનાગઢ-સરખેજ-કેવડીયા વાંકિયાથી પધારેલ આંતરરાષ્ટ્રીય અધ્યક્ષશ્રી અનંત વિભૂષિત મહામંડલેશ્વર શ્રીશ્રી ૧૦૦૮ સ્વામીશ્રી હરિહરાનંદ ભારતીજી મહારાજના વરદ હસ્તે માતાજીનો મંગલદિપ પ્રગટાવવામાં આવશે. ત્યારબાદ સવારે ૧૧-૩૦ કલાકે સમારંભમાં પધારેલા સંતો-મહંતોના વરદ હસ્તે માતાજીની મંગલ આરતી ઉતારવામાં આવશે.
ત્યારબાદ બપોરે ૧ર-૦૦ કલાકે શ્રી પંચદશનામ જુના અખાડા, ભવનાથ તળેટી જુનાગઢથી પધારેલ થાનાપતિ મહંતશ્રી બુદ્ધગીરી બાપુના વરદ હસ્તે બાળાઓને મહાપ્રસાદ પીરસી સમારંભની શુભ શરૃઆત કરવામાં આવશે. તેમજ સમારંભના શુભસ્થળે શ્રી પંચ ખોડીયાર માતાજી મંદિર ગામ કેરીયા, તા. લાઠી, જી. અમરેલીથી પધારેલ મહંતશ્રી, ત્રંબકનાથજી બાપુ ખાસ ઉપસ્થિત રહી બાળાઓ, બટુકો તેમજ કાર્યકરોને શુભ આશીર્વચન પાઠવશે. શ્રી ભવાની મંડળ ઉતર ગુજરાત પાટણના મહિલા સત્સંગ મંડળ દ્વારા માતાજીના રાસ ગરબા રજુ કરવામાં આવશે ત્યારબાદ આમંત્રીત મહેમાનો તેમજ સેવાભાવિ કાર્યકરોને સન્માનિત કરી, આ કાર્યક્રમની પૂર્ણાહુતિ કરવામાં આવશે. કોઈપણ જ્ઞાતિ-જાતિના ભેદભાવ વગર આશરે ૩૦૦ કાર્યકરો કારસેવા આપવા માટે ખડેપગે હાજર રહી આ કાર્યક્રમને સફળ બનાવવા પોતાનું યોગદાન આપશે.
આ કાર્યક્રમને સફળ બનાવવા મંડળના પ૦ કાર્યકરો રાત્રિ ને દિવસ તનતોળ મહેનત કરી ગરબી મંડળોમાં રૃબરૃ આમંત્રણ આપેલ છે. તેમજ કાર્યક્રમની પુરેપુરી જાણકારી આપેલ છે. બપોરે ૧ર વાગ્યાથી આપના આગમન સુધી ચાલનારા આ મહાપ્રસાદ કાર્યક્રમને સફળ બનાવવામાં મંડળના સંચાલક રાજુભાઈ જોષી, ભરતભાઈ ચૌહાણ, સંદિપ મકવાણા, મુકેશભાઈ ચૌહાણ, સમિર વાસુ, મનોજ ચાવડા, ચંદુભા પરમાર, પરેશભાઈ ચુડાસમા, અશ્વિનભાઈ બારડ, કેતન ગોરાતેલા, ભગવાનજી પરમાર, મોહન કછેટીયા, તુષાર દુબલ, જયદિપ ચાવડા, ધર્મેન્દ્રભાઈ મેર, જીતેન્દ્ર મકવાણા, કપીલ ચાવડા, મયુર પરમાર, દિવ્યેશ મકવાણા, મેહુલ મકવાણા, અખીલ મેર, રમેશ ગોહિલ, સોમા સાગઠીયા, નરેશ અજા, સંજય ગોહિલ, આશિષ જોશી, અનિરૃદ્ધ મકવાણા, ચેતન પરમાર, સાગર ચૌહાણ, નિલેશ ભટ્ટી, દેવદત પરમાર, સાગર વાસુ, ધર્મેશ સુખડીયા, ચંદ્રેશ ચૌહાણ, કાનજીભાઈ બથવાર, રમેશભાઈ છુછીયા વિગેરે આ મંડળના કાર્યકરો દ્વારા દરેક વિસ્તારોને આ મહાપ્રસાદમાં આવરી લેવામાં આવેલ છે. કોઈપણ બાળાઓ કે બટુકો પ્રસાદથી વંચિત ન રહી જાય તેમની ખાસ તકેદારી અને કાળજી રાખવામાં આવેલ છે. આ કાર્યક્રમમાં નગરના વેપારી આગેવાનો, ઉદ્યોગપતિઓ, પદાધિકારીઓ, અધિકારીઓ અને નગરની ધર્મપ્રેમી જનતા અને ધાર્મિક સંસ્થાઓ મહાપ્રસાદ ગ્રહણ કરશે. તેમ ટ્રસ્ટના પ્રમુખ રાજુભાઈ જોશીએ જણાવેલ છે.
