સિક્કામાં ભરબજારે મહિલાની છેડતી કરતો મૂકેશ પોલીસ સંકજામાં
- બભત્સ ઈશારા કરીને મહિલાનો પીછો કરીને છેડતી કરી હતી
- સિક્કામાં બજારે ગયેલી એકલી મહિલાને જોઈને છેડતી કરનાર શખસ સામે ફરિયાદ
દેશ દેવી ન્યુઝ જામનગર તા.૩ સપ્ટેમ્બર ૨૩ જામનગરના સિક્કામાં બજારમાં ખરીદી કરવા ગયેલી મહિલાને એક શખસે બિભત્સ ઈશારા કરી અને મહિલાનો પીછો કરીને છેડતી કર્યાની પોલીસ ફરિયાદ નોંધાઈ છે. આ બનાવથી સીક્કામાં સારી એવી ચકચાર જાગી છે.
સિક્કામાં રહેતી એક મહિલા ગત તા.૨૬ ના રોજ બજારમાં ખરીદી કરવા ગઈ હતી. ત્યારે સિક્કા નીમાજ કોલોનીમાં રહેતો મુકેશ દેવજીભાઈ પંડ્યા નામના શખસે તેણીને એકલી જોઈને પૈસા દેખાડીને બિભત્સ ઈશારાઓ કરતો હતો. જેથી મહિલા શખસના ઈશારા સમજી જતાં ત્યાંથી ઘરે જવા માટે નીકળી ગઈ હતી. તેણી રસ્તામાં જતી હોય અને શખસે પીછો કરીને શરીરે હાથ ફેરવીને છેડતી કરી હતી. જેથી મહિલાએ ગઈકાલે સીક્કા પોલીસ સ્ટેશનમાં ફરિયાદ નોંધાવતાં પોલીસે આરોપી મુકેશ પંડ્યા સામે IPC – ૩૫૪ (એ), ૩૫૪ (ડી) મુજબ છેડતીનો ગુનો નોંધી વધુ તપાસ જમાદાર સુધીરસિંહ જાડેજા ચલાવી રહ્યા છે.
