જામનગરનો કુખ્યાત દિવલો ડોન “પાસા” ના પાંજરે પૂરાયો
- લૂંટ- ધમકી- ખંડણી- ઘરફોડ ચોરી- પ્રોહીબીશન સંહિતના 25 થી વધુ ગુનાઓમાં સંડોવાયેલ દિવલાને અમદાવાદ સાબરમતી જેલમાં ધકેલી દેવાયો
દેશ દેવી ન્યુઝ જામનગર : તા.૫ ઓગસ્ટ ૨૩ જામનગર શહેરમાં લૂંટ- ધમકી- ખંડણી- ઘરફોડ ચોરી- પ્રોહીબીશન સંહિતના 25 થી વધુ ગુનાઓમાં ઝંડોવાયેલા માથા ભારે શખ્સ દિવલા ડોન ની પાસા હેઠળ અટકાયત કરી લેવામાં આવી છે, અને તેને અમદાવાદની સાબરમતી જેલમાં ધકેલી દેવાયો છે.
જામનગર માં શાંતિનગર શેરી નંબર -6 માં રહેતા દિવ્યરાજસિંહ મંગળસિંહ ચૌહાણ ઉર્ફે દિવલા ડોન સામે જામનગર શહેરના જુદા જુદા પોલીસ મથકોમાં લૂંટ- ધાકધમકી- ખંડણી-ઘરફોડ ચોરી- પ્રોહીબીશન સહિતના 25 થી વધુ ગુનાઓ નોંધાઈ ચૂક્યા છે.
જે આરોપી સામે સીટી બી. ડિવિઝન પોલીસ સ્ટેશનના પોલીસ ઇન્સ્પેક્ટર દ્વારા પાસા હેઠળની દરખાસ્ત તૈયાર કરીને જિલ્લા પોલીસવડા મારફતે જિલ્લા સમાહર્તા ને મોકલવામાં આવી હતી, તેના પર આખરે મંજૂરીની મહોર મારવામાં આવી છે. જેને એલસીબી ની ટુકડીએ ઉપા લીધો છે, અને તેની પાસા હેઠળ અટકાયત કરી લેવાઈ છે, અને અમદાવાદની સાબરમતી જેલમાં મોકલી આપ્યો છે.
