જામનગર ત્રણબતી વિસ્તારમાં ધૂમ સ્ટાઇલથી બાઈક પર સ્ટંટ કરતા યુવાનનો વિડીયો થયો વાયરલ
- રાહદારી અને વાહનચાલકોના જીવ જોખમમાં મુકાયા
- સ્ટંટબાજ બાઈકચાલકની ઓળખ માટે ત્રીસરી આંખની મદદ લેવાશે
દેશ દેવી ન્યુઝ જામનગર તા.૨૦ જુલાઇ ૨૩ જામનગરના ત્રણ બત્તી વિસ્તારમાં ચાલુ બાઈકે ઊભા રહી સ્ટંટ કરતો વિડિયો હાલ સોશિયલ મીડિયામાં ખૂબ જ વાયરલ થઈ રહ્યો છે. બાઇકચાલક રોંગ સાઇડમાં ધૂમ સ્ટાઇલથી બાઈક ઉપર ઉભો રહી સ્ટંટ કરતો હોય તેવો વિડીયો વાહનચાલકે મોબાઈલમાં ઉતારી લઈ સોશિયલ મીડિયામાં મૂકી દેતા ખૂબ જ વાયરલ થયો હતો.
શહેરમાં યુવકો ધુમ સ્ટાઇલમાં બાઇક ચલાવતા હોવાના અનેક કિસ્સાઓ સામે આવતા રહે છે. ખાસ કરીને મોડી રાત્રે કેટલાક વિસ્તારોમાં યુવકો બાઈક સ્ટંટ કરતા નજરે ચડતા હોય છે. પોતે પોતાનો શોખ પૂરો કરવામાં બીજા લોકો માટે જોખમ ઊભું કરી દેતા હોય છે. ત્યારે જામનગર શહેરના ત્રણ બતી વિસ્તારમાં ધોળે દિવસે બાઈક પર સ્ટંટ કરતો વિડીયો સામે આવતા આવા તત્વો સામે પોલીસે કમરકસી કાયદાનું ભાન કરાવવાની જરૂર છે. લોકોના જીવની પરવાહ કર્યાં વગર વિકૃત આંનદ માંગતા લુખ્ખા તત્વો સામે મેદાનમાં ઉતરવા લોકો માંગ કરી રહ્યા છે.હાલ તો પોલીસ દ્વારા બાઈક સ્ટંટ કરી રહેલા રોમીયોની ઓળખ મેળવવાની તજવીજ હાથ ધરાઇ છે.હાલ આ વિડીયો કેટલા દિવસ પહેલાનો છે. તે અંગે દેશ દેવી ન્યુઝ કોઈ પુષ્ઠી કરતું નથી.
