જામનગરમાં ગોડાઉનમાં ચાલતા જુગારના અખાડા પર પોલીસની તવાઇ, 6 ઝડપાયા
- સીટી-સીના હરદીપ બારડ તથા યુવરાજસિંહ જાડેજાની બાતમી
દેશ દેવી ન્યુઝ જામનગર: તા.૧૮ મે. ૨૩ જામનગરમાં સત્યમ કોલોની વિસ્તારમાં રહેતો અશ્વીનભાઇ રમણીકભાઇ નંદા નામનો શખ્સ પોતાના અન્ય સ્થળ શંકરટેકરી, ઉદ્યોગનગર, જકાતનાકા વાળી ગલીમાં પોતાના ક્બજા ભોગવટાના ગોડાઉનમાં બહારથી જુગાર રસિકોને બોલાવી જુગાર રમાડતો હોવાની ચોકકસ બાતમીના આધારે પોલીસે દરોડો પાડ્યો હતો.
આ દરોડા દરમિયાન ગોડાઉનમાં જુગાર રમતા અને રમાડતા અશ્વિનભાઈ નંદા ઉપરાંત પ્રવિણભાઇ ગોવિંદભાઇ કરંગીયા, વિપુલ શંકરલાલ દામા, અશ્વીનસિંહ વિક્રમસિંહ ગોહીલ, મનુભા ભુરૂભા ચુડાસમા, જીતુભા બચુભા ચુડાસમા આબાદ પકડાઈ ગયા હતા. પોલીસે તમામના કબ્જા માંથી રૂપિયા 57500ની રોકડ કબજે કરી ધરપકડ કરી હતી.
જામજોધપુર તાલુકાના સતાપરમાંથી જુગાર રમતાં 3 પકડાયા
જામજોધપુર તાલુકાના સતાપર ગામમાં ગઈકાલે રાત્રે પોલીસે દરોડો પાડી ગંજીપાના વડે હારજીત નો જુગાર રમી રહેલા વિક્રમભાઈ રામાભાઈ ગોજીયા સહિત-૬ પત્તાપ્રેમીઓની પોલીસે અટકાયત કરી લઇ તેઓ પાસેથી 10,150 ની રોકડ રકમ અને જુગારનું સાહિત્ય કબજે કર્યું છે.
