જામનગરમાં લુખ્ખા તત્વો બન્યા બેફામ : કોલેજ કેમ્પસ બહાર વિદ્યાર્થી ઉપર હુમલો
- ચાલુ પરીક્ષાએ વિદ્યાર્થી ઉપર હુમલો થતા નાસભાગ મચી ગઇ: ટોળાઓ એકઠા થયા
- સમગ્ર ઘટનાના CCTV થયા વાયરલ : વિદ્યાર્થીની હાલત ગંભીર હોવાનું મનાય રહ્યું છે.
દેશ દેવી ન્યુઝ તા. ૨૫ એપ્રિલ ૨૩ જામનગરની નામાંકીત કોલેજમાં ચાલુ પરીક્ષાએ વિદ્યાર્થી ઉપર પાંચથી છ શખ્સો હુમલો કરતા ભારે ચકચાર જાગી છે. હુમલો કરનાર લુખ્ખા તત્વો કોલેજ વિસ્તારમાં આટાફેરા કરી રોમીયોગીરી કરી સીનસપાટા નાખતા હોવાનું ચર્ચાય રહ્યું છે.
સૂત્રમાંથી જાણવા મળતી માહિતી મુજબ જામનગરની નામાંકિત કોલેજ પાસે વિદ્યાર્થી ઉપર લુખ્ખા તત્વો દ્વારા જીવલેણ હુમલો કરતા યુવાનને તાત્કાલિક સારવાર માટે ખસેડવામાં આવ્યો હતો ભોગ બનનાર વિદ્યાર્થીના પરિવારને જાણ થતા કોલેજ ખાતે દોડી જતા લુખ્ખા ભાગી છૂટ્યા હતા સમગ્ર ઘટનાના CCTV ફૂટેજ ખુબજ વાયરલ થયા છે. બનાવના પગલે પોલીસ કાફલો ઘટનાસ્થળે દોડી ગયો હતો અને લુખ્ખાઓને ઝડપી લેવા ચક્રો ગતિમાન કર્યાં છે.
