રીસામણે રહેલી પત્નીના ઘરે પતિએ મિત્રો સાથે બોલાવી બધળાટી
- યુવતિનો પરિવાર બન્યો ભયભીત : ગઇકાલ રાત્રીનો ભાટની આંબલી વિસ્તારનો બનાવ
- દીકરીએ પ્રેમ લગ્ન કરતા છૂટાછેડા માટે જમાઇએ મિત્રો સાથે આવી દબાણ કરી મારી નાંખવાની ધમકી: પરિવારે કર્યો આક્ષેપ
દેશ દેવી ન્યુઝ જામનગર તા.૦૮ એપ્રિલ ૨૩ જામનગર શહેરના ભાટની આંબલી વિરતારમાં રહેતી હર્ષા ભરતભાઇ ભઠીજાણી નામની યુવતિએ પટેલ કોલોની અગ્યાર નંબરમાં રહેતા અને શેરબજારનો ધંધો કરતા ધવલ દિનેશભાઈ સોલાણી નામના વણિક યુવાન સાથે એક વર્ષ પહેલા લવ મેરેજ કર્યાં હતા ડિસેમ્બર મહિનામાં પતિ પત્ની દુબઈ ફરવા ગયા હતા દુબઈમાં સ્થિત હોટલમાં હર્ષાએ પતિ ધવલનો મોબાઈલ ફોન ચેક કરતા ધવલના અન્ય યુવતીઓ સાથે અફેર હોવાની જાણ થતા જેને લઇ પતિ – પત્નિ વચ્ચે ખૂબ જ ઝઘડો થયો હતો અને હર્ષા એકલી દુબઈથી જામનગર આવી પોતાના માતા-પિતાના ઘરે રહેવા ચાલી ગઇ હતી અને છેલ્લા ચાર મહિનાથી પિયરમાં રહેતી હતી.
જે વાતને લઈ ગઈકાલ રાત્રે પતિ ધવલ સોલાણી તેના સાથી મિત્રો સાથે યુવતિના ઘરે જઈ ફિલ્મી સ્ટાઇલથી રોફ જમાવી પાછી ઘરે આવવા માટે ડખ્ખો કર્યો હતો અને હર્ષાને બેફામ માર માર્યો હતો યુવતિના માતા-પિતા અને ભાઈ વચ્ચે પડતા તેની સાથે પણ ઝપાઝપી કરી માર માર્યો હતો અચાનક દેકારો બોલતા પાડોશી દોડી આવ્યા હતા ધવલ અને તેના મિત્રો ધમાલ મચાવીને હર્ષાના પરિવારને માર જાનથી મારી નાખવાની ધમકી આપતા મામલો પોલીસ મથકે પહોંચ્યો હતો તેવા યુવતિના પરિવાર અને પાડોશીઓએ બધળાટીનો વિડીયો ઉતારી લઈ સોશિયલ મીડિયામાં વાયરલ કરી દેતા ભારે ચકચાર જાગી છે.
