જામનગર દેવુભાના ચોક પાસે ગાડી ધીમે ચલાવવા બાબતે પિતા પુત્રોનો જીવલેણ હુમલો
આરોપી :- (૧) ચેતન નરેન્દ્રભાઇ પરમાર (૨) ભાવિન નરેન્દ્રભાઇ પરમાર (૩) નરેન્દ્રભાઇ પરમાર રહે બધા- સુભાષમાર્કેટ, દેવુભાનો ચોક જામનગર
દેશ દેવી ન્યુઝ જામનગર તા.૦૯ માર્ચ ૨૩ જામનગર દેવુભાના ચોકમાં પૂર્વ કોર્પોરેટર અરવીંદભાઈ ચૌહાણના પુત્ર ક્શિન પર પૂર્વ કોર્પોરેટર નરેન્દ્ર પરમાર અને તેના પુત્રોના હુમલાથી ભારે ચકચાર જાગી છે.
જામનગર દેવુભાના ચોક ચારણ ફળીમાં રહેતા કરણ ઉર્ફે કિશન અરવિંદભાઇ ચૌહાણ નામનો યુવાન ગઇકાલે રાત્રે મોટર સાઇકલ લઇને જતો હોય ત્યારે ચેતન નરેન્દ્રભાઈ પરમાર મોટર સાઇક્લ લઇ સામેથી આવતો હોય જેથી બન્નેનુ મો.સા સામસામે થતા આરોપી ચેતન પરમારે ફરીયાદી કિશનને મોટર સાયકલ જોઇને ચલાવવાનુ કહીને જેમ ફાવે તેમ ગાળો આપી જાપટોનો માર મારતા સામસામી બધડાટી બોલી ગઇ હતી તેવામાં ચેતનનો ભાઈ ભાવીન પરમારે તેના પિતા નરેન્દ્રભાઇને બોલાવતા નરેન્દ્રભાઇ હાથમા તલવાર તથા ભાવિન હાથમા લાકડાનો ધોકો લઇ લઇ આવી નરેન્દ્રભાઇએ કિશનને વાસમા તલવારનો હાથો મારી મુઢ ઇજા કરતા ફરીયાદી પડી જતા આરોપી ભાવીને ફરીયાદીને પેટના ભાગે ધોકાનો એક ધા મારી મુઢ ઇજા કરી શરીરે ઢીકા પાટુનો માર મારી ફરીયાદી ઉભા થવા જતા ચેતને ધકો મારતા રીક્ષા સાથે ભટકાતા લોહીલુહાણ હાલતમાં સારવાર માટે હોસ્પિટલમાં ખસેડવામાં આવ્યો હતો.
મોટર સાયકલ ભટકાવા જેવી નજીવી બાબતે હથીયાર ધારણ કરતા લોકોના ટોળા એકઠા થયા હતા બનાવની જાણના પગલે સીટી-એ પોલીસ કાફલો ઘટનાસ્થળે દોડી ગયો હતો અને કિશનની ફરીયાદ પરથી પિતા પુત્રો ઉપર IPC કલમ.૩૨૩, ૫૦૪, ૧૧૪ તથા જી.પી.એકટ કલમ ૧૩૫ (૧) મુજબ ગુનો નોંધી વધુ તપાસ સીટી – એના બી. જે જાડેજા ચલાવી રહ્યા છે.
