જામનગરમાં વીજચેકીંગ, 12.65 લાખ વીજચોરી ઝડપાઇ
દેશ દેવી ન્યુઝ નેટવર્ક જામનગર: જામનગરના કેટલાક વિસ્તારોમાં આજે મોટા પાયે વિજચેકિંગની કાર્યવાહી હાથ ધરવામાં આવી હતી.
જે ચેકીંગ દરમિયાન રૂપિયા 12.65 લાખની વિજચોરી પકડી પાડવામાં આવી હતી. દરમિયાન આજે સતત બીજા દિવસે પણ વિજ ચેકિંગની કાર્યવાહી ચાલુ રાખવામાં આવી છે, અને શહેરના જુદા જુદા વિસ્તારોમાં 23 જેટલી વિજ ચેકિંગ ટુકડીને દોડતી કરી દેવામાં આવી છે.
શહેરના કાલાવડ નાકા બહારના વિસ્તાર ઉપરાંત સાધનાકોલોની, કિશાન ચોક, દિગ્વિજય પ્લોટ, અને વિશ્રામવાડી સહિતના વિસ્તારોમાં વહેલી સવારથી જ વીજ ચેકીંગ ટુકડીઓ ને દોડતી કરી દેવામાં આવી છે. જેની મદદ માટે 20 પોલીસ કર્મચારીઓ ને બંદોબસ્ત મા મૂકવામાં આવ્યા છે.
ઉપરાંત ત્રણ વીડિયોગ્રાફરોની પણ મદદ લેવામાં આવી રહી છે. વીજતંત્રની આ કાર્યવાહીને લઇને વિજ ચોરોમાં ફફડાટ મચી ગયો છે.
