જામનગરની જી.જી. હોસ્પિટલના બ્રધર અને એક કાર ચાલક વચ્ચે વાહન અથડાવવા બાબતે તકરાર : બંને પક્ષે સામ સામે હુમલા ની ફરિયાદ
દેશ દેવી ન્યૂઝ જામનગર તા ૯ ઓક્ટોબર ૨૪, જામનગરની સરકારી જી.જી. હોસ્પિટલમાં બ્રધર તરીકે ફરજ બજાવતો એક યુવાન બાઈક લઈને પસાર થતો હતો, ત્યારે એક કાર ચાલક સાથે સામસામે આવી જવાના મુદ્દે તકરાર થઈ હતી, અને બંને પક્ષે સામ સામે હુમલા કરાયાની પોલીસ ફરિયાદ નોંધાવાઇ છે.
આ બનાવ ની વિગત એવી છે કે જામનગરમાં વિનાયક સોસાયટીમાં રહેતો અને જીજી હોસ્પિટલમાં બ્રધર તરીકે ફરજ બજાવતો હેમલગિરી વિજયગીરી ગોસ્વામી, કે જે ગઈ કાલે જયંત સોસાયટી વિસ્તારમાંથી પોતાનું બાઈક લઈને પસાર થતો હતો. જે દરમિયાન સામેથી આવેલી એક કારના ચાલકે સામ સામે આવી ગયા પછી તેની સાથે જીભા જોડી કરી હતીઝ અને બંને વચ્ચેના મારામારી ના દ્રશ્ય સર્જાયા હતા.
ત્યારબાદ આ મામલાને સીટી બી. ડિવિઝન પોલીસ મથકમાં લઈ જવાયો હતો, અને બ્રધર હેમલગીરી ગોસ્વામી એ પોતાને માર મારવા અંગે કારના ચાલક રૂપેશ વૃજલાલભાઈ તન્ના સામે ફરિયાદ નોંધાવી છે. જયારે સામા પક્ષે પણ કાર ચાલક રૂપેશ તન્ના એ હુમલા અંગેની વળતી ફરિયાદ નોંધાવી છે. પોલીસે બંને શખ્સોની અટકાયત કરી લીધી છે.
