જામનગર: 19 ટન કોલસાના શંકાસ્પદ જથ્થા સાથે બેડેશ્ર્વરના શખસની ધરકડ
- જામનગર SOG ના PSI જયદિપસિંહ.ડી પરમાર તથા સ્ટાફના શોભરાજસિંહ જાડેજા અને હર્ષદભાઈ ડોરીયાને ખાનગી બાતમી મળી હતી.
દેશ દેવી ન્યુઝ જામનગર તા.૩૧ ડિસેમ્બર ૨૨ જામનગરની એસઓજી શાખા દ્વારા બેડી વિસ્તારમાં પેટ્રોલિંગ હાથ ધરી 19 ટન જેટલો શકપડતો કોલસો ભરેલા એક ટ્રક સાથે બેડેશ્વર વિસ્તારના એક શખ્સને પકડી પાડ્યો છે, અને તેની વધુ પૂછપરછ ચલાવવામાં આવી રહી છે.
જામનગરની એસ.ઓ.જી. શાખા દ્વારા બેડી બંદર વિસ્તારમાં પેટ્રોલિંગ હાથ ધરવામાં આવી રહ્યું હતું, જે દરમિયાન કોલસાનો જથ્થો ભરીને એક ટ્રક પસાર થઈ રહ્યો હતો. જેથી એસોજીની ટુકડી હતી તે ટ્રક ને અટકાવી તેના ચાલક બેડી ઇકબાલચોક વિસ્તારમાં રહેતા હુસેન અબ્દુલભાઈ જેડા ને અટકાવ્યો હતો, અને કોલસાના કાગળો માંગ્યા હતા.
પરંતુ તેની પાસે કોઈ પણ પ્રકારના કોલસાના જથ્થાના બિલ- આધાર વગેરે હાજર ન હતા, તેથી એસ.ઓ.જી. શાખા ની ટુકડી છે રૂપિયા 65,000 ની કિંમતનો શક પડતો કોલસો તેમજ રૂપિયા પાંચ લાખની કિંમતનો ટ્રક વગેરે શક પડતી મિલકત તરીકે કબજે કરી લીધા છે, અને તેની ઘનિષ્ઠ પૂછપરછ ચલાવવામાં આવી રહી છે.
