કાલાવડ પંથકના માખાકરોડમાં 10 પત્તાપ્રેમી પોલીસ પાંજરે પુરાયા..
33 હજારની રોકડ, ઇકો ગાડી અને 6 મોબાઇલ કબ્જે લેતી પોલીસ
દેશ દેવી ન્યુઝ જામનગર 14. કાલાવડના માખાકરોડ ગામમાં સ્ટ્રીટલાઇટના અંજવાળે જાહેરમાં જુગાર રમતા દસને પોલીસે દરોડા દરમ્યાન રોકડા 33600 અને 6 મોબાઇલ તથા ઇકો ગાડી મળી કુલ 2.66 લાખના મુદામાલ સાથે દબોચી લીધા હતા.
કાલાવડ તાલુકાના માખાકરોડ ગામે સ્ટ્રીટલાઇટના અંજવાળે જાહેરમાં તિનપતીનો જુગાર રમતા રાજકોટ 150 રીંગ રોડ શ્રીરામ પાર્ક શેરી નં. 5 માં રહેતા મુકેશ ભીખા સખીયા, રાજકોટ શ્યામપાર્ક સોસાયટીમાં રહેતા વેપારી અશોક નાથા ઉનડકટ, લોધીકા તાલુકાના ખીરસરા ગામના ભોલા ભીખા વાગડીયા, ખીરસરાના ચેતન રાજેશ વાગડીયા, માખા કરોડ ગામના સુરેશ પાંચા ભુવા, રાજકોટ ગાયત્રીનગર-12માં રહેતા કિશોર ચકુ લીંબાસીયા, નાના મૌવા જીવરાજપાર્ક સામે લક્ષમણ ટાઉનશીપ બ્લોક ડી-409 ખાતે રહેતા જીતેન હરી વેકરીયા, રામનાથપરા-11 ખાતે રહેતા પિયુષ પ્રાણજીવન રાધનપુરા, ન્યુ સુભાષનગર શેરી નં. 2માં રહેતા રાજેશ ગોવિંદ ઘાડીયા અને કોઠારીયા મેઇન રોડ હુડકો કવાર્ટર ખાતે રહેતા જયેશ હેમત પંડયાને પકડી લીધા હતા.
ગ્રામ્ય પોલીસમાં બાતમીના આધારે દરોડો પાડી ઉપરોકત દસ જુગારીઓને ઝડપી લઇ રોકડા 33600, 6 મોબાઇલ અને ઇકો ગાડી મળી કુલ 2.66.100નો મુદામાલ કબ્જે કર્યો હતો. દરોડાના પગલે ચકચાર ફેલાઇ ગઇ હતી.
