માહિતી વિભાગમાં જામનગર સહિતના ૧ર માહિતી મદદનીશને સિનિયર-સબ-એડિટર તરીકે બઢતી
દેશ દેવી ન્યૂઝ જામનગર તા. ૧૫ માર્ચ ૨૪ , રાજ્ય સરકાર ના માહિતી વિભાગ માં માહિતી મદદનીશ તરીકે કામ કરતા ૧ર માહિતી મદદનીશોને બઢતી મળી છે. માહિતી નિયામકે એક આદેશ દ્વારા આ માહિતી મદદનીશ વર્ગ-૩ માંથી સિનિયર-સબ-એડિટર (વર્ગ-ર) માં પ્રમોશનો સાથે બદલી કરી છે.
આ આદેશ મુજબ જામનગરની જિલ્લા માહિતી કચેરીના વિરેન્દ્રસિંહ એ. પરમાર ને પ્રાદેશિક માહિતી કચેરી-રાજકોટ માં કુ. પારૃલ ઓડેસરા ની બઢતી થી ખાલી પડેલી સિનિયર-સબ-એડિટરની જગ્યા પર પ્રમોશન અપાયું છે, અને શ્રી પરમારે જિલ્લા માહિતી કચેરી-જામનગર માં કામગીરી વ્યવસ્થામાં ફરજ બજાવવાની રહેશે, તેવી સૂચના પણ આ આદેશમાં જ આપવામાં આવી છે.
