સત્યમ કોલોની પાસે આવેલ આવાસમાં અડધી રાત્રે પડી જનતા રેડ 404 માં રહેતો કેતન ઘર વખરી સાથે 201માંથી ઝડપાયો.
સત્યમ કોલોની પાસે આવેલ મનપા હસ્તકના LIG-2 આવાસના મકાન નં 201 માં પડી અડધી રાત્રે જનતા રેડ.
જામનગર મહાનગરપાલિકાની હાઉસિંગ શાખાનું ચીર હરણ.!
હંમેશાંને માટે ચર્ચામાં રહેતું આવાસ ફરી ચડયું ચર્ચાના ચાકળે.
આવાસની A-1 વીંગના ચોથા માળે ફ્લેટ નં 404 માં રહેતો કેતન ખાંટ 201 માં ઘરવખરી સાથે ઝડપાયો પુછપરછમાં મોજશોખ માટે તાળા તોડયાનું કબૂલ્યું.!
જામનગર સત્યમ કોલોની પાસે આવેલ સરદાર પટેલ એલ.આઈ.જી-ર આવાસમાં ચોથા માળે રહેતો કેતન ખાંટ નામનો વ્યક્તિ મનપાની માલિકી હસ્તકના ફ્લેટ નં 201 માં છેલ્લા છ મહિનાથી ગેરકાયદેસર રીતે તાળા તોડીને રહેતો એસોસિએશનના રંગે હાથે ઝડપાઈ જતા અફડાતફડી જેવો માહોલ સર્જાય હતો.
અડધી રાત્રે પડેલી જનતા રેડમાં તાળા તોડનાર આસામી અશોભનીય હાલતમાં મૂકાઈ જતા ભાગાભાગી ના દ્રશ્યો જોવા મળેલ.
જામનગર શહેરના સત્યમ કોલોની પાસે આવેલ મુખ્યમંત્રી ગૃહ યોજના એલ.આઈ.જી-2 આવાસ યોજના માં ગત રાત્રીના આવાસ એસોસિએશન દ્વારા જનતા રેડ કરી ગેરકાયદેસર રહેતા કેતન ખાંટ નામના શખ્સને પકડી પાડ્યો હતો અને ઘરનું વિડિયો રેકોર્ડિંગ કરી બાદમાં એસોસિએશન દ્વારા રાત્રે જામનગર મહાનગરપાલિકાના હાઉસિંગ વિભાગના અશોક જોષીને ગેરકાયદેસર તાળા તોડીને રહેતા આસામી અંગેની ફરીયાદ કરેલ પરંતુ સંતોષકારક જવાબ ન મળતા આખરે એસોસિએશન દ્વારા આજરોજ હાઉસિંગના કંટ્રોલીંગ અને સિટી એન્જિનિયર શૈલેષ જોષી સમક્ષ ફરિયાદ કરતા તાત્કાલિક પોલીસ ફરિયાદ નોંધાવા સિક્યુરિટી ઓફિસરને પત્ર લખી જાણ કરવામાં આવેલ અને હાઉસિંગ શાખાના અશોક જોષી ને રોજકામ કરી જવાબદાર સામે પગલા લેવા જણાવેલ.
આ મુદ્દા એ જામનગરમાં સારી એવી ચર્ચા જગાડેલ છે. બીજી બાજુ મનપાના ગોબરા વહીવટની ટીકા થઈ રહી છે.
