પોલીસની હાજરીમાં જ મહિલા પીઆઈએ સેનેટાઈઝર પીતા ચકચાર.
વેપારીઓએ ફસાવવાના હનીટ્રેપ પ્રકરણમાં પોલીસની પૂછપરછ દરમ્યાન મહિલા પી.આઇ.એ સેનેટાઇઝર પી લેતા અફરા-તફરી.
દેશ દેવી ન્યુઝ નેટવર્ક અમદાવાદ: અમદાવાદ પૂર્વના મહિલા પીઆઇ ગીતા પઠાણની ગઇકાલે વેપારી-હનીટ્રેપ પ્રકરણમાં ગઇકાલે ધરપકડ કરવામાં આવી હતી જેણે સમગ્ર પોલીસબેડામાં ચકચાર મચાવી હતી ત્યારે આજે આજ પ્રકરણમાં વધુ એક બનાવે ચર્ચા જગાવી છે. પોલીસ કસ્ટડીમાં રહેલા પીઆઇ ગીતાબેન પઠાણે અન્ય એક મહિલા પોલીસની હાજરીમાં તેમની પૂછપરછ વેળાએ સેનેટાઇઝ પી લેતા અફરા-તફરીનો માહોલ સર્જાયો હતો.
અત્રે ઉલ્લેખનીય છે કે, ગઇકાલે જ વેપારીઓને હનીટ્રેપ ફસાવવાના પ્રકરણમાં પીઆઇ ગીતા પઠાણની ધરપકડ કરવામાં આવી હતી તે અંગેની આજે પુછપરછ તેમના વિરૂઘ્ધ ચાલી રહી હતી. ગીતા પઠાણ ઉપર આરોપ લાગ્યો છે કે, હની ટ્રેપ ગેંગને મદદ કરતા હતા અને જેથી ક્રાઈમ બ્રાન્ચ દ્વારા આ મોટી કાર્યવાહી કરવામાં આવી છે.
