દેવ ભુમિ દ્વારકાના કલેકટરે ઉગામ્યું પાસાનું શસ્ત્ર ભાણવડ પંથકના બે બુટલેગર શખ્સો પાસાના પાંજરે પુરાયા
દેશદેવી ન્યુઝ નેટવર્ક-ખંભાળિયા
ભાણવડ તાલુકાના મોરઝર ગામે રહેતા વિજય ઉગાભાઈ બગડા (ઉ.વ. 32) તથા તાલુકાના રાણપર ગામના લાખા રામા કોડિયાતર (ઉ.વ. 42) નામના બે શખ્સો સામે અગાઉ સ્થાનિક પોલીસમાં દારૂ અંગેના ગુના નોંધાયા છે.
આ પ્રકરણમાં જિલ્લા પોલીસવડા સુનિલ જોશીની સુચના તથા માર્ગદર્શન હેઠળ સ્થાનિક પી.એસ.આઇ. જે.જી. સોલંકી દ્વારા પાસાની દરખાસ્ત તૈયાર કરી અને દેવભૂમિ દ્વારકા જિલ્લા કલેકટર સમક્ષ મુકવામાં આવતા આ બંને માથાભારે શખ્સો સામે જિલ્લા કલેકટર ડો. નરેન્દ્રકુમાર મીના દ્વારા પાસા મંજૂર કરી હતી.
અને એલ.સી.બી. પી.આઇ. જે.એમ. ચાવડાએ આ બન્ને શખ્સો સામેનું પાસાનું વોરંટ મેળવી તેઓને સુરત તથા વડોદરાની મધ્યસ્થ જેલ ખાતે મોકલી આપવાની તજવીજ કરી હતી.
