જુનાગઢમાં માત્ર ત્રણ હજાર રૂપિયા માટે યુવકની ક્રુર હત્યા, કુહાડીના 17થી વધારે ઘા ઝીંકતો શખસ સીસીટીવીમાં કેદ જામનગરમાં જોગસ પાર્ક પાસે થયેલ મર્ડર ની યાદ તાજી કરાવી દીધી.
જૂનાગઢ: જૂનાગઢમાં મંગળવારે એક યુવાનની જાહેરમાં હત્યા કરી નાખવામાં આવી હતી. હત્યા મામલે હવે નવા ખુલાસા થયા છે. આ ઉપરાંત હત્યાના સીસીટીવી ફૂટેજ પણ સામે આવ્યા છે. યુવકને કુહાડીના 17થી વધારે ઘા ઝીંકીને પતાવી દેવાયો હતો. એવી માહિતી મળી છે કે યુવાનની હત્યા ત્રણ હજાર રૂપિયા માટે કરી નાખવામાં આવી હતી. આ મામલે જે સીસીટીવી ફૂટેજ સામે આવ્યા છે તે અરેરાટી જન્માવે તેવા છે.
સીસીટીવીમાં યુવકને રસ્તા પર પડેલો જોઈ શકાય છે. યુવક બાઇક લઈને જઈ રહ્યો હતો ત્યારે તેને આંતરીને હત્યા કરવામાં આવી હતી. સીસીટીવી ફૂટેજમાં બાઇકને પણ જોઈ શકાય છે.
આ અંગે જે સીસીટીવી સામે આવ્યા છે તેમાં જોઈ શકાય છે કે એક વ્યક્તિ પોતાના હાથમાં કુડાહી વડે જમીન પર પડેલા વ્યક્તિ પર સતત પ્રહાર કરી રહ્યો છે. આ દરમિયાન નજીકમાં એક રિક્ષા ઊભેલી હોય છે.
યુવક પર હુમલો થતો જોઈને રિક્ષા ચાલક ત્યાંથી ભાગી જાય છે. આ દરમિયાન હત્યારો કુડાડીથી સતત વાર કરી રહ્યો છે.
આ દરમિયાન એક મહિલાને પણ સીસીટીવી ફૂટેજમાં જોઈ શકાય છે. જે હત્યારાને કંઈક કહે છે અને બાદમાં ત્યાંથી ચાલી જાય છે. હત્યારો એટલો ક્રૂર છે કે એક પછી એક કુહાડીનો પ્રહાર કરતો જાય છે. સીસીટીવી ફૂટેજમાં મૃતકના શરીરના ટૂકડા પથરાયેલા જોઈ શકાય છે.
મંગળવારે જૂનાગઢના ભરડાવાવ પાસે એક યુવકની કરપીણ હત્યા કરવામાં આવી હતી. આ ઘટનાની જાણ થતા ઉચ્ચ પોલીસ અધિકારીઓનો કાફલો ઘટના સ્થળે ધસી ગયો હતો. પ્રાથમિક વિગતો ઉપર મરનાર યુવક ગિરનારના ડોળી એસોસિએશનના પ્રમુખનો ભત્રીજો છે.
પોલીસે ઘટના સ્થળે જઈને તપાસ શરૂ કરી છે ત્યારે મૃતક યુવકનું નામ રાજુ બાવળિયા હોવાનું સામે આવ્યું છે. રાજુના કાકા ગિરનાર ડોળી એસોસિએશનના પ્રમુખ છે અને કોઈ અદાવતમાં જ તેની હત્યા થઈ હોવાનું માનવામાં આવી રહ્યુ છે.
