અંબર સિનેમાની બાજુમાં મોર્ડન માર્કેટના સેલરમાં આવેલ હર્ષ સીક્યુરીટી નામની પેઢીમાં કોઇ ટીંકણખોર આગ ચાંપી દેતા ચકચાર : પોલિસ ફરીયાદ.
જામનગર ૧૯.
તા.૧૭ ગુરૂવાર ના રોજ જામનગર શહેરના અંબર ટોકીઝ ની બાજુમાં આવેલ મોર્ડન માર્કેટના સેલરમાં આવેલ હર્ષ સિક્યુરિટી સર્વિસની ઓફિસમાં કોઈ ટીંકણખોરે વહેલી સવારે આગ ચાપી દેતા ચકચાર મચી જવા પામેલ.
સૂત્રોમાંથી મળતી માહિતી મુજબ જામનગર શહેરના અંબર સિનેમા રોડ પર આવેલ મોર્ડન માર્કેટ માર્કેટ ના સેલર દુકાન નંબર 14 હર્ષ સિક્યુરિટી સર્વિસ નામની પેઢી માં વહેલી સવારે આગ લાગતા અફડાતફડી મચી જવા પામેલ બાજુમાં આવેલ દુકાનદારો દ્વારા સિક્યુરિટી પેઢીના માલિક પિયુષ લુદરીયા ને ફોન પર જાણ કરતા આજુબાજુ દુકાનદારના સહકારથી પાણીનો મારો ચલાવી આગને કાબુમાં લીધી.
આગ કાબુમાં લીધા બાદ દુકાન ના માલીકે ઇલેક્ટ્રિસિટી ચાલુ કરતા લાઈટ પંખા ચાલુ હાલતમાં મળી આવેલ.
દુકાનમાં જે રીતે આગ લાગેલ હતી તે જોતા કોઈ ટીંકળખોરે અંગત અદાવતમાં આગ ચાપી હોય તેવું પ્રાથમીક તપાસમાં જણાય આવેલ આગના કારણે ઓફીસનો માલસામાન ની સાથે ઉપયોગી ડોક્યુમેન્ટ બળીને રાખ થઈ જતા પચાસ હજારનું નુકસાન થયેલ.
સિક્યુરિટી પેઢીના માલિક દ્વારા જણાવવામાં આવેલ કે મોડલ માર્કેટના પાર્કિંગ દારૂ જુગાર નું આશ્રયસ્થાન છે આ માર્કેટમાં કોઈ સગવડ કે સુવિધા ન હોવાને કારણે અંધારી આલમમાં ફેરવાઇ ગયું છે.
છેલ્લા ઘણા સમયથી લુખ્ખાઓનો ત્રાસ વધી જવા પામેલ તેવામાં પેઢીના માલીક દ્વારા પોતાની ફોર વ્હીલર પાર્ક કરેલી હોય અથવા તો પોતાના સ્વખર્ચે લાઈટ ફીટીંગ કે કેમેરા રાખવામાં આવે તો પણ બીજે દિવસે તોડીને નુકસાન કરી માનસીક ત્રાસ આપવામાં આવતો
એટલેથી સંતોષ ન થતાં લુખ્ખાઓએ દુકાનમાં આગ ચાપી દેતા આ બનાવે જામનગરમાં સારી એવી ચર્ચા જગાડી છે દુકાનના માલિકે આ અંગેની પોલીસ ફરિયાદ કરતા હનુમાન ગેઇટ ચોકીના રમેશ પરમાર ફરિયાદ નોંધી આગળની તપાસ ચલાવી રહ્યા છે.
