જામનગરની રોયલ પુષ્પ પાર્ક માં થઈ રોયલ માથાકુટ : તું અમારી સામે શું કેમ જોવે છે..! તેમ કહી પીતા પુત્રને ઢીબી નાખ્યા.

જામનગરની રોયલ પુષ્પ પાર્ક સોસાયટીનો બનાવ : તું અમારી સામે શું કામ જોવે છે..? કહી પિતા -પુત્ર પર હુમલો : 3 સામે ફરિયાદ.

જામનગર: જામનગરમાં રોયલ પુષ્પ પાર્ક સોસાયટી વિસ્તારમાં રહેતા બણીક પિતા-પુત્ર ઉપર સામાન્ય બોલાચાલીમાં ત્રણ શખ્સોએ હુમલો કરી ઈજા પહોંચાડયા ની ફરિયાદ પોલીસમાં નોંધાઇ છે.

જામનગરમાં ખોડીયાર કોલોની નજીક રોયલ પુષ્પ પાર્ક શેરી નંબર -2 માં રહેતા વિરેન્દ્રભાઈ જેઠાલાલ શાહ નામના 50 વર્ષના આધેડે પોતાના ઉપર તેમજ પોતાના પુત્ર જેનીલ ઉપર હુમલો કરી ઇજા પહોંચાડવા અંગે શરુ સેક્સન રોડ પર રહેતા આમીન, આશિક, તેમજ અલ્તાફ નામના ત્રણ શખ્સો સામે ફરિયાદ નોંધાવી છે.

ફરિયાદી વિરેન્દ્રભાઈ નો પુત્ર જેનીલ આરોપીઓના ઘર પાસેથી પસાર થઈ રહ્યો હતો. જે દરમિયાન તું અમારી સામે શું કામ જોવે છે, તેમ કહી ત્રણેય આરોપીઓએ ઝઘડો કર્યો હતો, અને પિતા પુત્ર પર હુમલો કરી દીધો હતો. જે મામલે સીટી બી ડિવિઝન પોલીસ વધુ તપાસ ચલાવે છે.