નંદાણાની સીમમાં જામગરી બંદૂક સાથે ડફેર ઝડપાયો.
ખંભાળીયા: એસ. ઓ. જી. એ. એસ. આઇ. ભીખાભાઇ ગાગીયા, વિરેન્દ્રસિંહ જાડેજા, હરપાલસિંહ જાડેજા, પોલીસ હેડ કોન્સ. કિશોરભાઇ ડાંગર વિગેરે સ્ટાફના માણસો જામકલ્યાણપુર વિસ્તારમાં પેટ્રોલીંગમાં હતા તે દરમ્યાન જેઠાભાઇ પોપટભાઇ પરમાર જાતે હિન્દુ ડફેર ઉ.૪પ ધંધો લાકડા કાપવાનો રહે. નંદાણા ગામની સીમ, ઢેબા સીમ વિસ્તાર, રેલ્વેના પાટાની બાજુમાં લાધાભાઇ દલવાડીની બાજુમાં તા. જામ કલ્યાણપુર મુળ રહે. કેશોદ ગામ, તા. જામખંભાળીયા જિ. દેવભૂમિ દ્વારકાવાળાના કબ્જામાંથી કોઇ સક્ષમ અધિકારીનો પાસ, પરવાનો કે આધાર વિના દેશી હાથ બનાવટ ઉપરથી ભરવાની જામગરી બંદૂક અગ્નિશસ્ત્ર કિ. રૂ. ૧પ૦૦૦ સાથે પકડી પાડી બંદૂક (અગ્નિ શસ્ત્ર) તપાસ અર્થે કબ્જે કરેલ છે.
કાર્યવાહીમાં એસ. ઓ. જી.ના પોલીસ સબ ઇન્સ્પેકટર જે. એમ. ચાવડા, એ. ડી. પરમાર તથા એ. એસ. આઇ. ભીખાભાઇ ગાગીયા, વિરેન્દ્રસિંહ જાડેજા, હરપાલસિંહ જાડેજા, હરદેવસિંહ જાડેજા, પોલીસ હેડ કોન્સ. દિનેશભાઇ માડમ, કિશોરભાઇ ડાંગર વિગેરે જોડાયેલ હતાં.
