જામનગર શહેરમાં જુગારીયાઓ ઉપર તવાઇ: વર્લી,એકી-બેકી અને ઘોડીપાસામાં 6 ઝડપાયા.
જામનગરના પંચેશ્વર ટાવર સામે માલધારી હોટલની બાજુમાં જાહેરમાં વરલી મટકાનો જુગાર રમતા કડીયાવાડ શેરી નંબર 3 ટીંબાફળી માં રહેતા કિશોર ઉર્ફે હેમેન્દ્ર મથુરાદાસ દાવડા નામના શખ્સને વરલી નો જુગાર રમતા રોકડ રૂપિયા 900 અને ચિઠ્ઠી સાથે પકડી લીધો હતો.
આ ઉપરાંત બીજો દરોડો સ્વામિનારાયણનગરમાં પડ્યો હતો જયાં જાહેરમાં ઘોડી પાસા ફેકીને જુગાર રમતા નવાગામ ઘેડના વિશાલ કાનજી રાઠોડ, નાગનાથ ગેટ પાસે આવેલ મહેશ્વરી નગરમાં રહેતા વિજય ખેંગાર ચાવડા આ બંનેને રોકડ રૂપિયા 10800 અને પાસા સાથે પકડી લીધા હતા.
જયારે ત્રીજા દરોડામાં જામનગરના જુના રેલવે સ્ટેશન પાસે આવેલ વેલ નગરમાં ચલણી નોટના નંબરના આંકડા બોલીને એકી બેકીનો જુગાર રમતા જુના ટેશન પાસે વેલ નગર -1 માં રહેતો જીગ્નેશ ઉર્ફે જીગો નરસિં રાઠોડ, વિજય હેમત સીતાપરા, અને રફીક ઈતવારીખાન પઠાણ નામના શખ્સોને રોકડ રૂપિયા 10, 510 સાથે પકડી લીધા હતા.
