જામનગર ભાજપ કોર્પોરેટર ના પુત્રના ગોડાઉનમાંથી દારૂની ૧૯,૫૨૨ બોટલો ઝડપાઈ!
-
માનસી હોટલ પાછળ પંચકોષી ‘એ’ ડિવિઝન પોલીસનો દરોડો: રૂ. ૫૩.૭૮ લાખનો મુદ્દામાલ કબજે
-
એકની ધરપકડ, મુખ્ય સૂત્રધાર હિતેશ ઉર્ફે વાંગો બાંભણીયા સહિત ૧૦ આરોપીઓ ફરાર
દેશ દેવી ન્યુઝ જામનગર તા ૨૯ ઓક્ટોબર ૨૬: જામનગર મહાનગરપાલિકાના વોર્ડ નંબર ૧૦ ના ભાજપના મહિલા કોર્પોરેટર ના પુત્રના જામનગર-રાજકોટ હાઈવે પર માનસી હોટલ પાછળ આવેલા ગોડાઉનમાં વિદેશી દારૂના મોટા જથ્થાનું કટિંગ કરવામાં આવતું હોવાની બાતમીના આધારે પંચકોષી ‘એ’ ડિવિઝન પોલીસે દરોડો પાડી વિદેશી દારૂની ૧૯,૫૨૨ બોટલો સહિત કુલ રૂ. ૫૩,૭૮,૫૧૭નો મુદ્દામાલ કબજે કર્યો છે. પોલીસની આ કાર્યવાહીમાં એક વાહનચાલકની ધરપકડ કરવામાં આવી છે, જ્યારે મુખ્ય સૂત્રધાર તરીકે દર્શાવાયેલા જામનગર મહાનગરપાલિકાના વોર્ડ નંબર ૧૦ ના ભાજપ ના મહિલા કોર્પોરેટર મંજુબેન બાંભણિયા ના પુત્ર હિતેશ ઉર્ફે વાંગો નરશીભાઈ બાંભણીયા સહિત કુલ ૧૦ આરોપીઓને ફરાર દર્શાવી તેમની શોધખોળ હાથ ધરવામાં આવી છે.
જામનગર મહાનગરપાલિકાના વોર્ડ નંબર ૧૦નાં ભાજપનાં મહિલા કોર્પોરેટર મંજુબેન બાંભણીયાના પુત્ર હિતેશ ઉર્ફે વાંગો બાંભણીયાનું નામ આ પ્રકરણમાં સામે આવતાં રાજકીય વર્તુળોમાં પણ ચર્ચા જાગી છે. જોકે, આ મામલે પોલીસની તપાસ અને કાયદાકીય કાર્યવાહી આગળ વધવાની બાકી છે.
બાતમીના આધારે ગોડાઉન પર દરોડો: રાજકોટ વિભાગના પોલીસ મહાનિરીક્ષક નિર્લિપ્ત રાય અને જામનગર જિલ્લા પોલીસ અધિક્ષક ડો. રવિ મોહન સૈની દ્વારા દારૂ-જુગારની ગેરકાયદેસર પ્રવૃત્તિઓ સામે કડક કાર્યવાહી કરવા આપવામાં આવેલી સૂચનાઓના અનુસંધાને નાયબ પોલીસ અધિક્ષક પિયુષ વાંદાના માર્ગદર્શન હેઠળ પંચકોષી ‘એ’ ડિવિઝન પોલીસની ટીમ પેટ્રોલિંગમાં હતી.આ દરમિયાન પોલીસ ઇન્સ્પેક્ટર આઈ.એ. ઘાસુરા, પોલીસ હેડ કોન્સ્ટેબલ હરદેવસિંહ એમ. ઝાલા તથા ગીરીરાજસિંહ કે. જાડેજાને સંયુક્ત રીતે ચોક્કસ બાતમી મળી હતી કે, જામનગર-રાજકોટ હાઈવે પર માનસી હોટલ પાછળ ભાજપના મહિલા કોર્પોરેટર ના પુત્ર હિતેશ ઉર્ફે વાંગો નરશીભાઈ બાંભણીયાના કબજા-ભોગવટાવાળા ગોડાઉનમાં વિદેશી દારૂનો મોટો જથ્થો ઉતારી તેનું કટિંગ કરવામાં આવી રહ્યું છે.
આ બાતમીના આધારે પોલીસે સ્થળ પર દરોડો પાડતાં ગોડાઉન પાસે બે અશોક લેલેન્ડ પીકઅપ અને એક ટાટા છોટા હાથી વાહનમાંથી દારૂની હેરફેર અને કટિંગની પ્રવૃત્તિ ચાલતી હોવાનું સામે આવ્યું હતું. પોલીસે સ્થળ પરથી અશોક લેલેન્ડ પીકઅપના ચાલક ધર્મેશભાઈ નવલભાઈ યાજ્ઞિક (ઉંમર ૩૭ વર્ષ, રહે. નવાગામ ઘેડ, સ્વામિનારાયણ સોસાયટી, જામનગર)ને ઝડપી લીધો હતો.
દારૂની ૧૯,૫૨૨ બોટલોનો જથ્થો મળ્યો : પોલીસે ગોડાઉન અને વાહનોની તલાશી લેતાં અલગ-અલગ બ્રાન્ડની વિદેશી દારૂની નાની-મોટી કુલ ૧૯,૫૨૨ બોટલો મળી આવી હતી. પોલીસે દારૂના જથ્થા ઉપરાંત દારૂની હેરફેરમાં ઉપયોગમાં લેવાયેલાં ત્રણ વાહનો અને એક મોબાઈલ ફોન પણ કબજે કર્યો હતો. જપ્ત કરાયેલા તમામ મુદ્દામાલની કુલ કિંમત રૂ. ૫૩,૭૮,૫૧૭ થવા જાય છે.
ઝડપાયેલા વાહનચાલકની પૂછપરછ દરમિયાન આ દારૂનો જથ્થો તેના મિત્ર હિતેશ ઉર્ફે વાંગો બાંભણીયાએ વેચાણના હેતુથી બહારથી મંગાવ્યો હોવાનું સામે આવ્યું હોવાનું પોલીસની યાદીમાં જણાવાયું છે. ગોડાઉનમાં દારૂનું કટિંગ કર્યા બાદ સ્થાનિક બુટલેગરો તથા અન્ય સંડોવાયેલા ઇસમોને વેચાણ માટે જથ્થો પહોંચાડવાનો હોવાની વિગતો પણ તપાસમાં બહાર આવી હોવાનું જણાવાયું છે.
મુખ્ય સૂત્રધાર સહિત ૧૦ આરોપીઓની શોધખોળ
આ પ્રકરણમાં હિતેશ ઉર્ફે વાંગો બાંભણીયા સહિત કુલ ૧૦ આરોપીઓને ફરાર દર્શાવવામાં આવ્યા છે. પોલીસે તમામને ઝડપી પાડવા માટે તપાસ અને શોધખોળ તેજ કરી છે. દારૂનો જથ્થો ક્યાંથી લાવવામાં આવ્યો હતો, તેની હેરફેરમાં કોણ-કોણ સંડોવાયેલું છે અને સ્થાનિક સ્તરે કોને વેચાણ માટે જથ્થો પહોંચાડવાનો હતો તે સહિતની કડીઓ મેળવવા પોલીસ તપાસ કરી રહી છે.
આ કેસમાં અંદાજે રૂ. ૧૮ લાખની કિંમતનો સસ્તા અનાજનો જથ્થો ચોરાયાનું બહાર આવતા પોલીસ દ્વારા પુરવઠા અધિકારીને જાણ કરાઈ હતી, જેના પગલે નાયબ જિલ્લા મેનેજર દ્વારા સીટી ‘બી’ ડિવિઝન પોલીસ સ્ટેશનમાં આવશ્યક ચીજવસ્તુ ધારા તથા અન્ય જુદી-જુદી કલમો હેઠળ ગુનો નોંધવામાં આવ્યો હતો. તપાસ દરમિયાન આ ઘઉંનો જથ્થો આરોપી અમરશીભાઈ છગનભાઈ ભંડેરીને વેચવામાં આવ્યો હોવાનું ખુલતા પોલીસે તેમની ધરપકડ કરી હતી.
બનાવની તમામ દલીલોને ધ્યાને રાખી નામદાર એડિશનલ સેશન્સ કોર્ટ દ્વારા 
ફરિયાદ મુજબ, આરોપીએ ફેસબુક મારફતે સગીરા સાથે સંપર્ક કેળવી મિત્રતા કર્યા બાદ આશરે દસ દિવસ પહેલાં તેને પોતાના ઘરે લઈ ગયો હતો, જ્યાં તેની સાથે દુષ્કર્મ આચર્યું હોવાનો આક્ષેપ કરવામાં આવ્યો છે. આ બનાવ અંગે સગીરાની માતાએ પોલીસનો સંપર્ક કરતાં પોલીસે ફરિયાદના આધારે કાયદેસરની કાર્યવાહી હાથ ધરી હતી.
જામનગર નજીક મોટીખાવડી વિસ્તારમાં આવેલું વનતારા વન્યજીવોના બચાવ, સારવાર, પુનર્વસન અને સંભાળ માટેનું વિશાળ કેન્દ્ર છે. અહીં વિવિધ પ્રજાતિનાં પ્રાણીઓની સારવાર, સંવર્ધન અને સંભાળ માટે આધુનિક સુવિધાઓ ઊભી કરવામાં આવી છે. વન્યજીવ સંરક્ષણ ક્ષેત્રે આંતરરાષ્ટ્રીય સ્તરે ઓળખ ધરાવતા આ કેન્દ્રની મુલાકાત માટે અમેરિકાના વિદેશમંત્રી માર્કો રુબિયો જામનગર આવ્યા હતા.
વિદેશમંત્રીના આગમનને ધ્યાનમાં રાખીને જામનગર એરપોર્ટ પર સુરક્ષાની વિશેષ વ્યવસ્થા ગોઠવવામાં આવી હતી. એરપોર્ટ પર ઉતરાણ કર્યા બાદ તેઓ વાહનોના વિશાળ કાફલા સાથે વનતારા જવા રવાના થયા હતા. તેમના કાફલાની અવરજવર દરમિયાન સુરક્ષાને પ્રાધાન્ય આપવામાં આવ્યું હતું અને સ્થાનિક સ્તરે જરૂરી બંદોબસ્ત રાખવામાં આવ્યો હતો.