દ્વારકાની યુવતીના ફોટા અભદ્ર રીતેે વાયરલ કરવા બદલ અજાણ્યા શખ્સ સામે ફરિયાદ.
ખંભાળિયા :દ્વારકામાં રહેતી એક યુવતીના ફોટાને ફેક આઈ.ડી. મારફતે વાયરલ કરવા બદલ એક શખ્સ સામે ધોરણસર ફરીયાદ નોંધાવવામાં આવી છે.
આ અંગેની વિગત મુજબ દ્વારકામાં રહેતી 23 વર્ષીય એક યુવતીના ફોટાને ચોક્કસ પ્રકારની ફેક આઈ.ડી. બનાવી કોઈ શખ્સે તેને ઇન્ટરનેટ મારફતે વાયરલ કરી, આ યુવતીની બદનામી થાય તેવું કૃત્ય કરવામાં આવ્યું હોવાનું ખુલવા પામ્યું છે.
આ બનાવ અંગે ભોગ બનનાર યુવતી દ્વારા અહીંના સાયબર સેલ વિભાગમાં ફરિયાદ કરવામાં આવતા આ અંગે દ્વારકા પોલીસે ચોક્કસ આઈ.ડી. ધારક સામે આઈ.પી.સી. કલમ 501 તથા આઈ.ટી. એક્ટની કલમ મુજબ ગુનો નોંધી આગળની તપાસ સ્થાનિક પી.આઈ. પી.બી. ગઢવી દ્વારા હાથ ધરવામાં આવી છે.
